ਆਮ ਆਦਮੀ ਪਾਰਟੀ ਦਾ ਇਕ ਹੋਰ ਕਾਲਾ ਝੂਠ ਬੇਨਕਾਬ, ਪੰਜਾਬ ਦੇ ਪਵਿੱਤਰ ਸਦਨ ਨੂੰ ਫਿਰ ਗੁਮਰਾਹ ਕੀਤਾ ਗਿਆ : ਚੁਗ

ਵਿਧਾਨ ਸਭਾ ਦੇ ਵਿਸ਼ੇਸ਼ ਇਜਲਾਸ ਵਿੱਚ ਭਗਵੰਤ ਮਾਨ ਵੱਲੋਂ ਕੀਤਾ ਗਿਆ 20,000 ਕਰੋੜ ਦਾ ਦਾਅਵਾ NDMA ਦੀ ਰਿਪੋਰਟ ਵਿੱਚ ਘਟ ਕੇ 11,855 ਕਰੋੜ ਰਹਿ ਗਿਆ : ਚੁਗ

ਮਾਨ ਸਰਕਾਰ ਦੀ ਨਾਕਾਮੀ ਅਤੇ ਨੌਸਿਖਿਆਪਣ ਕਾਰਨ ਪੰਜਾਬ ਦੀ ਬਾੜ੍ਹ ਬਣੀ ‘ਮਾਨ-ਮੇਡ ਡਿਜਾਸਟਰ’ : ਚੁਗ

ਚੰਡੀਗੜ੍ਹ | 08 ਜਨਵਰੀ (ਮਧੂਸਾਰ ਬਿਊਰੋ) ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਮਹਾਮੰਤਰੀ ਤਰੁਣ ਚੁਗ ਨੇ ਕਿਹਾ ਕਿ ਪੰਜਾਬ ਦੀ ਜਨਤਾ ਨੂੰ ਗੁਮਰਾਹ ਕਰਨ ਲਈ ਭਗਵੰਤ ਮਾਨ ਸਰਕਾਰ ਵੱਲੋਂ ਫੈਲਾਇਆ ਗਿਆ ਇਕ ਹੋਰ ਵੱਡਾ ਝੂਠ ਹੁਣ ਪੂਰੀ ਤਰ੍ਹਾਂ ਬੇਨਕਾਬ ਹੋ ਚੁੱਕਾ ਹੈ। ਜਿਸ 20,000 ਕਰੋੜ ਰੁਪਏ ਦੇ ਰਾਹਤ ਪੈਕੇਜ ਦਾ ਢੋਲ ਪਿੱਟਿਆ ਗਿਆ ਸੀ, ਉਹ ਹੁਣ ਪੰਜਾਬ ਸਰਕਾਰ ਦੇ ਆਪਣੇ ਅੰਤਿਮ ਨੁਕਸਾਨ ਅੰਕਲਨ ਅਨੁਸਾਰ ਘਟ ਕੇ ਸਿਰਫ਼ 11,855 ਕਰੋੜ ਰੁਪਏ ਰਹਿ ਗਿਆ ਹੈ। ਇੱਕ ਵਾਰ ਫਿਰ ਕੇਜਰੀਵਾਲ–ਭਗਵੰਤ ਮਾਨ ਦੀ ਜੋੜੀ ਨੂੰ ਮੋਦੀ ਸਰਕਾਰ ਖ਼ਿਲਾਫ਼ ਝੂਠੇ ਦੋਸ਼ ਘੜਨ ਦੀ ਕੋਸ਼ਿਸ਼ ਵਿੱਚ ਕਰਾਰੀ ਹਾਰ ਮਿਲੀ ਹੈ।

ਚੁਗ ਨੇ ਕਿਹਾ ਕਿ ਆਪਣੇ ਝੂਠੇ ਨੈਰੇਟਿਵ ਨੂੰ ਅੱਗੇ ਵਧਾਉਣ ਲਈ ਕੇਜਰੀਵਾਲ–ਮਾਨ ਸਰਕਾਰ ਨੇ ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ਼ ਇਜਲਾਸ ਬੁਲਾ ਕੇ ਟੈਕਸਦਾਤਿਆਂ ਦੀ ਗਾਢੀ ਕਮਾਈ ਬਰਬਾਦ ਕੀਤੀ। ਇਹ ਇਜਲਾਸ ਬਾੜ੍ਹ ਪੀੜਤਾਂ ਦੀ ਮਦਦ ਲਈ ਨਹੀਂ, ਸਗੋਂ ਕੇਂਦਰ ਸਰਕਾਰ ਖ਼ਿਲਾਫ਼ ਭਰਮ, ਅਫ਼ਵਾਹਾਂ ਅਤੇ ਗਲਤ ਜਾਣਕਾਰੀ ਫੈਲਾਉਣ ਲਈ ਵਰਤਿਆ ਗਿਆ।

ਚੁਗ ਨੇ ਕਿਹਾ ਕਿ ਇਹ ਬਾੜ੍ਹ ਸਿਰਫ਼ ਕੁਦਰਤੀ ਆਫ਼ਤ ਨਹੀਂ ਸੀ, ਬਲਕਿ ਮਾਨ ਸਰਕਾਰ ਦੀ ਘੋਰ ਲਾਪਰਵਾਹੀ ਨਾਲ ਬਣੀ ਇੱਕ ਸਪੱਸ਼ਟ ‘ਮਾਨ-ਨਿਰਮਿਤ ਆਫ਼ਤ’ ਸੀ। ਬਾੜ੍ਹ ਤੋਂ ਪਹਿਲਾਂ ਤਿਆਰੀ ਸੰਬੰਧੀ ਪਹਿਲੀ ਮੀਟਿੰਗ 5 ਜੂਨ 2025 ਨੂੰ ਬੁਲਾਈ ਗਈ, ਜਦੋਂ ਮਾਨਸੂਨ ਆਉਣ ਵਿੱਚ ਕੇਵਲ 17 ਦਿਨ ਬਾਕੀ ਸਨ। 2,800 ਕਿਲੋਮੀਟਰ ਲੰਬੇ ਧੁੱਸੀ ਬੰਨ੍ਹ ਅਤੇ ਸੂਬੇ ਭਰ ਦੇ ਨਾਲਿਆਂ ਦੀ ਸਮੇਂ ਸਿਰ ਸਫ਼ਾਈ ਨਹੀਂ ਕੀਤੀ ਗਈ। ਮਾਧੋਪੁਰ ਹੈਡਵਰਕਸ ਦੇ 28 ਵਿੱਚੋਂ 24 ਫਾਟਕ ਖ਼ਰਾਬ ਪਏ ਸਨ ਅਤੇ ਹਰੀਕੇ ਹੈਡਵਰਕਸ ਵਿੱਚ ਸਾਲਾਂ ਤੋਂ ਗਾਦ ਨਹੀਂ ਕੱਢੀ ਗਈ, ਜਿਸ ਕਾਰਨ ਵੱਡੇ ਪੱਧਰ ’ਤੇ ਤਟਬੰਧ ਟੁੱਟੇ ਅਤੇ ਸੈਂਕੜੇ ਪਿੰਡ ਡੁੱਬ ਗਏ।
ਚੁਗ ਨੇ ਕਿਹਾ ਕਿ ਗੈਰਕਾਨੂੰਨੀ ਮਾਈਨਿੰਗ ਨੇ ਦਰਿਆਵਾਂ ਦੇ ਕੰਢਿਆਂ ਨੂੰ ਕਮਜ਼ੋਰ ਕੀਤਾ ਅਤੇ ਰਣਜੀਤ ਸਾਗਰ ਡੈਮ ਤੋਂ ਦੇਰ ਨਾਲ ਅਤੇ ਅਚਾਨਕ ਭਾਰੀ ਮਾਤਰਾ ਵਿੱਚ ਪਾਣੀ ਛੱਡਣ ਨਾਲ ਹਾਲਾਤ ਹੋਰ ਵੀ ਭਿਆਨਕ ਹੋ ਗਏ। ਤਿੰਨ ਜ਼ਿਲ੍ਹਿਆਂ ਵਿੱਚ ਸਿਰਫ਼ 15 ਮੋਟਰਬੋਟਾਂ ਦੀ ਉਪਲਬਧਤਾ ਨੇ ਸਾਬਤ ਕਰ ਦਿੱਤਾ ਕਿ ਸੂਬੇ ਦਾ ਆਫ਼ਤ ਪ੍ਰਬੰਧਨ ਪੂਰੀ ਤਰ੍ਹਾਂ ਫੇਲ੍ਹ ਸੀ। ਇਸ ਦੌਰਾਨ ਮੁੱਖ ਮੰਤਰੀ ਭਗਵੰਤ ਮਾਨ ਤਮਿਲਨਾਡੂ ਵਿੱਚ ਫੀਤੇ ਕੱਟਣ ਵਿੱਚ ਰੁੱਝੇ ਰਹੇ ਅਤੇ ਉਨ੍ਹਾਂ ਦੇ ਮੰਤਰੀ ਰਾਹਤ ਕਾਰਜ ਛੱਡ ਕੇ ਕੈਮਰਿਆਂ ਦੇ ਪਿੱਛੇ ਦੌੜਦੇ ਰਹੇ। ਕਾਂਗਰਸ ਨੇਤ੍ਰਿਤਵ, ਖ਼ਾਸ ਕਰਕੇ ਰਾਹੁਲ ਗਾਂਧੀ, ਨੇ ਵੀ ਪੰਜਾਬ ਦੇ ਦਰਦ ਨੂੰ ਰਾਜਨੀਤੀ ਅਤੇ ਨਾਟਕ ਵਿੱਚ ਬਦਲ ਦਿੱਤਾ।

ਚੁਗ ਨੇ ਜੋੜਿਆ ਕਿ ਸੰਕਟ ਦੇ ਪਹਿਲੇ ਦਿਨ ਤੋਂ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਥਿਤੀ ’ਤੇ ਨਿਗਰਾਨੀ ਬਣਾਈ ਰੱਖੀ। ਕਈ ਕੇਂਦਰੀ ਮੰਤਰੀ ਪੰਜਾਬ ਭੇਜੇ ਗਏ ਅਤੇ ਪ੍ਰਧਾਨ ਮੰਤਰੀ ਨੇ ਖੁਦ ਪ੍ਰਭਾਵਿਤ ਖੇਤਰਾਂ ਦਾ ਦੌਰਾ ਕਰਕੇ ਪੰਜਾਬ ਲਈ 1,615 ਕਰੋੜ ਰੁਪਏ ਦੀ ਮਦਦ ਦਾ ਐਲਾਨ ਕੀਤਾ। ਇਸਦੇ ਨਾਲ ਰਾਜ ਆਫ਼ਤ ਮੋਚਨ ਫੰਡ ਦੀ ਦੂਜੀ ਕਿਸ਼ਤ ਵਜੋਂ 240.80 ਕਰੋੜ ਰੁਪਏ ਵੀ ਜਾਰੀ ਕੀਤੇ ਗਏ। ਇਸ ਸਭ ਦੇ ਬਾਵਜੂਦ ਮਾਨ ਸਰਕਾਰ ਨੇ ਕ੍ਰਿਤੱਗਤਾ ਦਿਖਾਉਣ ਦੀ ਥਾਂ ਝੂਠ ਅਤੇ ਦੋਸ਼ਾਰੋਪਣ ਦਾ ਰਾਹ ਅਪਣਾਇਆ। ਹੁਣ ਪੰਜਾਬ ਦੀ ਜਨਤਾ ਸਭ ਕੁਝ ਵੇਖ ਅਤੇ ਸਮਝ ਰਹੀ ਹੈ।