ਜਾਪਾਨ ਦੀ ਸੰਸਦ ਤੱਕ ਪਹੁੰਚਿਆ ਗੀਤਾ ਦਾ ਸੰਦੇਸ਼, ਅੰਤਰਰਾਸ਼ਟਰੀ ਗੀਤਾ ਮਹਾਉਤਸਵ-2026 ਸ਼ੁਰੂ

ਚੰਡੀਗੜ੍ਹ 19 ਜੂਨ (ਮਧੂਸਾਰ ਬਿਊਰੋ) ਜਾਪਾਨ ਦੇ ਟੋਕੀਓ ’ਚ 5 ਦਿਨਾਂ ਅੰਤਰਰਾਸ਼ਟਰੀ ਗੀਤਾ ਮਹਾਉਤਸਵ- 2026 ਦਾ ਸ਼ੁੱਭ ਆਰੰਭ ਹੋਇਆ ਹੈ। ਮਹਾਉਤਸਵ ਦੌਰਾਨ ਜਾਪਾਨ ਦੀ ਸੰਸਦ (ਡਾਈਟ) ਦੇ ਮੈਂਬਰਾਂ ਅਤੇ ਮੁੱਖ ਰਾਜਨੀਤਕ ਨੇਤਾਵਾਂ ਨੂੰ ਸ਼੍ਰੀਮਦ ਭਗਵਦ ਗੀਤਾ ਦੀਆਂ ਕਾਪੀਆਂ ਭੇਟ ਕੀਤੀਆਂ ਗਈਆਂ, ਜਿਸ ਨਾਲ ਭਾਰਤ-ਜਾਪਾਨ ਸੰਸਕ੍ਰਿਤਕ ਅਤੇ ਅਧਿਆਤਮਿਕ ਸੰਬੰਧਾਂ ਨੂੰ ਹੋਰ ਮਜ਼ਬੂਤੀ ਮਿਲੀ। ਇੱਥੇ ਜਾਰੀ ਇਕ ਰਿਲੀਜ਼ ਅਨੁਸਾਰ, ਉਦਘਾਟਨ ਮੌਕੇ ਲਿਬਰਲ ਡੈਮੋਕ੍ਰੇਟਿਕ ਪਾਰਟੀ ਦੇ ਸੀਨੀਅਰ ਨੇਤਾ ਯਾਸੁਤੋਸ਼ੀ ਨਿਸ਼ੀਮੁਰਾ, ਉੱਚ ਸਦਨ ਦੇ ਮੈਂਬਰ ਯੋਸ਼ੀਓ ਮੋਚੀਜ਼ੁਕੀ ਅਤੇ ਹੇਠਲੇ ਸਦਨ ਨਾਲ ਜੁੜੇ ਅਟਲਾਂਟਿਕ ਫਲੈਟ ਨੂੰ ਗੀਤਾ ਦੀਆਂ ਕਾਪੀਆਂ ਭੇਟ ਕਰ ਕੇ ਸਨਮਾਨਤ ਕੀਤਾ ਗਿਆ।
ਸਵਾਮੀ ਗਿਆਨਾਨੰਦ ਮਹਾਰਾਜ ਨੇ ਕਿਹਾ ਕਿ ਸ਼੍ਰੀਮਦ ਭਗਵਦ ਗੀਤਾ ਸਾਰੀ ਮਨੁੱਖਤਾ ਲਈ ਜੀਵਨ ਪ੍ਰਬੰਧਨ ਦਾ ਇਕ ਸਦੀਵੀ ਗ੍ਰੰਥ ਹੈ। ਇਹ ਫਰਜ਼, ਸਵੈ-ਅਨੁਸ਼ਾਸਨ, ਲੀਡਰਸ਼ਿਪ ਸਮਰੱਥਾ ਅਤੇ ਸੰਤੁਲਿਤ ਜੀਵਨ ਦੀ ਪ੍ਰੇਰਨਾ ਦਿੰਦੀ ਹੈ। ਉਨ੍ਹਾਂ ਕਿਹਾ ਕਿ ਤਣਾਅ ਅਤੇ ਸੰਘਰਸ਼ ਨਾਲ ਭਰੇ ਮੌਜੂਦਾ ਸਮੇਂ ’ ਗੀਤਾ ਦਾ ਸੰਦੇਸ਼ ਸ਼ਾਂਤੀ ਅਤੇ ਆਤਮਵਿਸ਼ਵਾਸ ਦਾ ਮਾਰਗ ਦਿਖਾਉਂਦਾ ਹੈ।