ਹੁਣ ਦਿੱਲੀ ‘ਚ ਡਿਜ਼ੀਟਲ ਵਾਲ ਤੋਂ ਵੀ ਦਿੱਸੇਗੀ ਗਣਤੰਤਰ ਦਿਵਸ ਪਰੇਡ!

ਨਵੀਂ ਦਿੱਲੀ (ਅਸ਼ੋਕ ਵਾਸ਼ਿਸ਼ਠ/ਮਧੂਸਾਰ ਬਿਊਰੋ)
ਗਣਤੰਤਰ ਦਿਵਸ ਦੀ ਝਾਂਕੀ ਦੇਖਣ ਲਈ ਹੁਣ ਤੁਹਾਨੂੰ ਰਾਜਪੱਥ ਜਾਣ ਦੀ ਲੋੜ ਨਹੀਂ ਪਵੇਗੀ। ਤੁਹਾਨੂੰ ਲੰਬੀਆਂ ਲਾਈਨਾਂ ‘ਚ ਵੀ ਨਹੀਂ ਲੱਗਣਾ ਪਵੇਗਾ, ਕਿਉਂਕਿ ਸਮਾਰਟ ਸਿਟੀ ਬਣਨ ਜਾ ਰਹੇ ਐੱਨ.ਡੀ.ਐੱਮ.ਸੀ. ਇਲਾਕੇ ‘ਚ ਹੁਣ ਤੁਸੀਂ ਡਿਜ਼ੀਟਲ ਵਾਲ ਰਾਹੀਂ 26 ਜਨਵਰੀ ਦੇ ਸ਼ਾਨਦਾਰ ਪਰੇਲ ਦਾ ਲਾਈਵ ਮਜ਼ਾ ਲੈ ਸਕੋਗੇ।

ਐੱਨ.ਡੀ.ਐੱਮ.ਸੀ. ਦੇ ਫਸਾਦ ‘ਤੇ 8ਵੇਂ ਮਾਲੇ ਤੋਂ ਉੱਪਰ ਵੱਲ ਇਕ 35 ਤੋਂ 40 ਫੁੱਟ ਦਾ ਡਿਜ਼ੀਟਲ ਵਾਲ ਬਣਾਇਆ ਜਾ ਰਿਹਾ ਹੈ। ਤਕਨੀਕ ਦੀ ਮਦਦ ਨਾਲ ਇਸ ਵਾਲ ‘ਤੇ 26 ਜਨਵਰੀ ਦੇ ਸਮਾਰੋਹ ਦਾ ਸਿੱਧਾ ਪ੍ਰਸਾਰਣ ਹੋਵੇਗਾ। ਕਰੀਬ 5 ਕਰੋੜ ਦੀ ਲਾਗਤ ਨਾਲ ਬਣਨ ਵਾਲੇ ਇਸ ਡਿਜ਼ੀਟਲ ਵਾਲ ਦਾ ਨਿਰਮਾਣ ਕਰਨ ਲਈ ਐੱਨ.ਡੀ.ਐੱਮ.ਸੀ. ਨੇ ਇਕ ਵਿਦੇਸ਼ੀ ਕੰਪਨੀ ਦਾ ਠੇਕਾ ਦਿੱਤਾ ਹੈ।
ਐੱਨ.ਡੀ.ਐੱਮ.ਸੀ. ਦੀ ਬਿਲਡਿੰਗ ਦਿੱਲੀ ਦੇ ਉੱਚੀ ਇਮਾਰਤਾਂ ‘ਚ ਸ਼ਾਮਲ ਹੈ। ਅਜਿਹੇ ‘ਚ ਐੱਨ.ਡੀ.ਐੱਮ.ਸੀ. ਚੇਅਰਮੈਨ ਕਹਿੰਦੇ ਹਨ ਕਿ ਉਹ ਪਾਲਿਕਾ ਕੇਂਦਰ ਦੇ ਫਸਾਦ ‘ਤੇ ਇਕ ਡਿਜ਼ੀਟਲ ਵਾਲ ਬਣਾ ਰਹੇ ਹਨ। ਇਸ ‘ਤੇ ਆਡੀਓ ਅਤੇ ਵਿਜ਼ੁਅਲ ਚਲਾਏ ਜਾ ਸਕਣਗੇ। ਉਨ੍ਹਾਂ ਦੀ ਕੋਸ਼ਿਸ਼ ਹੈ ਕਿ 26 ਜਨਵਰੀ ਦੀ ਪਰੇਡ ਸਿੱਧੇ ਐੱਨ.ਡੀ.ਐੱਮ.ਸੀ. ਦੇ ਪਾਲਿਕਾ ਕੇਂਦਰ ਦੇ ਡਿਜ਼ੀਟਲ ਵਾਲ ‘ਤੇ ਦਿਖਾਈ ਜਾ ਸਕੇ। ਆਉਣ ਵਾਲੇ ਦਿਨਾਂ ‘ਚ ਐੱਨ.ਡੀ.ਐੱਮ.ਸੀ. ਦੀਆਂ ਕੁਝ ਹੋਰ ਇਮਾਰਤਾਂ ‘ਤੇ ਵੀ ਡਿਜ਼ੀਟਲ ਵਾਲ ਸੈੱਟ-ਅੱਪ ਕੀਤਾ ਜਾਵੇਗਾ।
ਐੱਨ.ਡੀ.ਐੱਮ.ਸੀ. ਦਾ ਕਹਿਣਾ ਹੈ ਕਿ ਇਮਾਰਤ ‘ਤੇ ਲੱਗਣ ਵਾਲਾ ਡਿਜ਼ੀਟਲ ਵਾਲ ਸਥਾਈ ਹੋਵੇਗਾ। ਡਿਜ਼ੀਟਲ ਵਾਲ ‘ਤੇ ਸਮੇਂ-ਸਮੇਂ ‘ਤੇ ਪ੍ਰਦੂਸ਼ਣ ਸੰਬੰਧੀ ਜਾਣਕਾਰੀ ਵੀ ਡਿਸਪਲੇਅ ਕੀਤੀ ਜਾਵੇਗੀ। ਐੱਨ.ਡੀ.ਐੱਮ.ਸੀ. ਦੇ ਬਜ਼ਾਰਾਂ, ਜਨਤਕ ਸਥਾਨਾਂ ਅਤੇ ਸਰਕਾਰੀ ਇਮਾਰਤਾਂ ‘ਚ ਸਮਾਰਟ ਡਿਜ਼ੀਟਲ ਇੰਟਰੈਕਟਿਵ ਜਾਣਕਾਰੀ ਪੈਨਲ ਲਾਏ ਜਾਣਗੇ। ਉਹ ਵਾਈ-ਫਾਈ ਅਤੇ ਹਾਟ-ਸਪਾਟ ਦੀ ਤਰ੍ਹਾਂ ਕੰਮ ਕਰਨਗੇ।