ਖ਼ਾਲਸਾ ਕਾਲਜ ਪਟਿਆਲਾ ਵੱਲੋਂ ਕਿਰਤ ਕਰੋ, ਨਾਮ ਜਪੋ, ਅਤੇ ਵੰਡ ਛਕੋ ਸਿਧਾਂਤ ਸਬੰਧੀ ਵਿਸ਼ੇਸ਼ ਗਤੀਵਿਧੀਆਂ ਦਾ ਆਯੋਜਨ

ਪਟਿਆਲਾ (ਅਮਰੀਕਇੰਦਰ ਸਿੰਘ/ਮਧੂਸਾਰ ਬਿਊਰੋ) ਖ਼ਾਲਸਾ ਕਾਲਜ ਪਟਿਆਲਾ ਦੇ ਡਿਵਿਨਟੀ ਕਲੱਬ, ਸਕੂਲ ਆਫ ਕਾਮਰਸ ਐਂਡ ਮੈਨੇਜਮੈਂਟ ਵਲੋਂ ਗੁਰੂ ਨਾਨਕ ਦੇਵ ਜੀ ਦੇ ਸਿਧਾਂਤ ‘ਕਿਰਤ ਕਰੋ, ਨਾਮ ਜਪੋ, ਵੰਡ ਛਕੋ’ ਨੂੰ ਵਿਦਿਆਰਥੀਆਂ ਨਾਲ ਸਾਂਝੇ ਕਰਨ ਹਿੱਤ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਦਾ ਦਾ ਆਯੋਜਨ ਕੀਤਾ। ਪ੍ਰੋਗਰਾਮ ਦਾ ਉਦੇਸ਼ ਅਨੁਸ਼ਾਸਨ ਅਤੇ ਸੇਵਾ ਦੀ ਭਾਵਨਾ ਅਤੇ ਧਰਮ ਅਤੇ ਮਨੁੱਖਤਾ ਲੲਈ ਯੋਗਦਾਨ ਪਾਉਣ ਦੀ ਇੱਛਾ ਪੈਦਾ ਕਰਨਾ ਸੀ। ਗਤੀਵਿਧੀ ਦੇ ਪਹਿਲੇ ਹਿੱਸੇ ਵਿੱਚ, ਵਿਦਿਆਰਥੀਆਂ ਅਤੇ ਸਟਾਫ ਨੇ ਕੈਂਪਸ ਦੇ ਲਾਅਨ ਦੀ ਸਫਾਈ ਕੀਤੀ ਅਤੇ ਫਿਰ ਕੈਂਪਸ ਵਿੱਚ ਗੁਰਦੁਆਰਾ ਸਾਹਿਬ ਜਾ ਕੇ ਜਪੁਜੀ ਸਾਹਿਬ ਅਤੇ ਅਨੰਦ ਸਾਹਿਬ ਦਾ ਪਾਠ ਕੀਤਾ। ਉਪਰੰਤ ਵਿਦਿਆਰਥੀਆਂ ਵੱਲੋਂ ਤਿਆਰ ਕੀਤਾ ਕੜਾਹ ਪ੍ਰਸ਼ਾਦ ਗੁਰਦੁਆਰਾ ਸਾਹਿਬ ਵਿਖੇ ਸੰਗਤਾਂ ਨੂੰ ਵਰਤਾਇਆ ਗਿਆ। ਤੀਜੇ ਭਾਗ ਵਿੱਚ, ਪ੍ਰਤੀਯੋਗੀਆਂ ਨੇ ਆਪਣੇ ਘਰ ਦਾ ਬਣਿਆ ਖਾਣਾ ਸਾਂਝਾ ਕੀਤਾ। ਵੱਖ-ਵੱਖ ਵਿਭਾਗਾਂ ਦੇ ਫੈਕਲਟੀ ਮੈਂਬਰ, ਸਫਾਈ ਸੇਵਕ, ਸੇਵਾਦਾਰ, ਮਾਲੀ, ਸੁਰੱਖਿਆ ਕਰਮਚਾਰੀ ਅਤੇ ਵਿਦਿਆਰਥੀ ਪੰਗਤ ਵਿੱਚ ਬੈਠ ਕੇ ਲੰਗਰ ਦਾ ਸੇਵਨ ਕੀਤਾ ।

ਲੰਗਰ ਸਾਨੂੰ ਸਿਧਾਂਤ ਅਤੇ ਅਮਲ ਦੋਵਾਂ ਰੂਪਾਂ ਵਿੱਚ ਅਸਲੀ ਸਿੱਖੀ ਦੀ ਝਲਕ ਦਿੰਦਾ ਹੈ। ਇਸ ਲਈ ਕਿਰਤ ਕਰੋ, ਨਾਮ ਜਪੋ-ਪ੍ਰਮਾਤਮਾ ਦਾ ਜਾਪ ਕਰੋ, ਵੰਡ ਛਕੋ-ਆਪਣੇ ਲਾਭ ਨੂੰ ਸਮਾਜ ਵਿੱਚ ਸਭ ਨਾਲ ਸਾਂਝਾ ਕਰੋ ਦਾ ਸੰਦੇਸ਼ ਦਿੱਤਾ ਗਿਆ। ਕਾਲਜ ਪਿ੍ਰੰਸੀਪਲ ਡਾ. ਧਰਮਿੰਦਰ ਸਿੰਘ ਉੱਭਾ ਨੇ ਪ੍ਰੋਗਰਾਮ ਵਿੱਚ ਸ਼ਾਮਿਲ ਵਿਦਿਆਰਥੀਆਂ ਅਤੇ ਸਟਾਫ ਮੈਂਬਰਾਂ ਦੇ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਡਿਪਟੀ ਪਿ੍ਰੰਸੀਪਲ ਅਤੇ ਐਚ.ਓ.ਡੀ. ਡਾ. ਜਸਲੀਨ ਕੌਰ ਨੇ ਵਿਦਿਆਰਥੀਆਂ ਨੂੰ ਸਮਾਜ ਪ੍ਰਤੀ ਅਜਿਹੀ ਸ਼ਰਧਾ ਨਾਲ ਕੰਮ ਕਰਦੇ ਦੇਖਣਾ ਇੱਕ ਅਨੰਦਦਾਇਕ ਅਨੁਭਵ ਦੱਸਿਆ। ਡਾ: ਮੰਜੂ ਮਿੱਤਲ, ਕਨਵੀਨਰ, ਡਿਵੀਨਿਟੀ ਕਲੱਬ ਨੇ ਸਾਰੇ ਭਾਗੀਦਾਰਾਂ ਦਾ ਉਹਨਾਂ ਦੇ ਅਣਥੱਕ ਯਤਨਾਂ ਲਈ ਧੰਨਵਾਦ ਕੀਤਾ। ਇਸ ਸਾਰੀ ਗਤੀਵਿਧੀ ਦਾ ਪ੍ਰਬੰਧ ਪ੍ਰਬੰਧ ਪ੍ਰੋ: ਹਰਮਨਪ੍ਰੀਤ ਕੌਰ ਅਤੇ ਪ੍ਰੋ: ਕੁਸਮ ਮੈਂਬਰ ਡਿਵਨਿਟੀ ਕਲੱਬ ਨੇ ਕੀਤੇ। ਸਾਰੇ ਭਾਗੀਦਾਰਾਂ ਨੇ ਇਸ ਗਤੀਵਿਧੀ ਦਾ ਭਰਪੂਰ ਆਨੰਦ ਵੀ ਮਾਣਿਆ।