5 ਕਰੋੜ ਰੁਪਏ ਦੀ ਹੈਰੋਇਨ ਜ਼ਬਤ, 3 ਲੋਕ ਗ੍ਰਿਫ਼ਤਾਰ
ਤਿਨਸੁਕੀਆ (ਮਧੂਸਾਰ ਬਿਊਰੋ) ਆਸਾਮ ਦੇ ਤਿਨਸੁਕੀਆ ਜ਼ਿਲ੍ਹੇ ‘ਚ 5 ਕਰੋੜ ਰੁਪਏ ਮੁੱਲ ਦੀ ਹੈਰੋਇਨ ਜ਼ਬਤ ਕਰ ਕੇ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਪੁਲਸ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਖੁਫ਼ੀਆ ਸੂਚਨਾ ‘ਤੇ ਕਾਰਵਾਈ ਕਰਦੇ ਹੋਏ ਵਿਸ਼ੇਸ਼ ਕਾਰਜ ਫ਼ੋਰਸ ਅਤੇ ਜ਼ਿਲ੍ਹਾ ਪੁਲਸ ਦੇ ਇਕ ਸੰਯੁਕਤ ਦਲ ਨੇ ਕਾਕੋਪਾਥਰ ਇਲਾਕੇ ਦੇ ਗੋਂਡਹੁਈਗੁਰੀ ਤਿਨਿਆਲੀ ‘ਚ ਐਤਵਾਰ ਰਾਤ ਇਕ ਵਾਹਨ ਰੋਕਿਆ, ਜਿਸ ‘ਚ ਤਿੰਨ ਲੋਕ ਸਵਾਰ ਸਨ।
ਤਲਾਸ਼ੀ ‘ਚ ਉਨ੍ਹਾਂ ਦੇ ਕਬਜ਼ੇ ਤੋਂ 700 ਗ੍ਰਾਮ ਨਸ਼ੀਲਾ ਪਦਾਰਥ, 13,950 ਰੁਪਏ ਨਕਦ ਅਤੇ 5 ਮੋਬਾਇਲ ਫੋਨ ਬਰਾਮਦ ਹੋਏ, ਜਿਨ੍ਹਾਂ ਨੂੰ ਜ਼ਬਤ ਕਰ ਲਿਆ ਗਿਆ। ਜ਼ਬਤ ਕੀਤੀ ਗਈ ਸਮੱਗਰੀ ਨੂੰ 57 ਸਾਬਣ ਦੇ ਡੱਬਿਆਂ ਤੋਂ ਬਰਾਮਦ ਕੀਤਾ ਗਿਆ, ਜੋ ਵਾਹਨ ‘ਚ 2 ਗੁਪਤ ਥਾਵਾਂ ‘ਤੇ ਲੁਕਾਏ ਗਏ ਸਨ। ਉਨ੍ਹਾਂ ਕਿਹਾ ਕਿ ਸਾਰੇ ਤਿੰਨ ਦੋਸ਼ੀ ਕਰੀਮਗੰਜ ਜ਼ਿਲ੍ਹੇ ਦੇ ਰਹਿਣ ਵਾਲੇ ਹਨ। ਤਿਨਸੁਕੀਆ ਦੇ ਐਡੀਸ਼ਨਲ ਪੁਲਸ ਸੁਪਰਡੈਂਟ ਮੈਦੁਲ ਇਸਲਾਮ ਨੇ ਦੱਸਿਆ ਕਿ ਨਸ਼ੀਲੇ ਪਦਾਰਥ ਦੀ ਤਸਕਰੀ ਲਈ ਸ਼ਹਿਰ ਇਕ ਪਾਰਗਮਨ ਬਿੰਦੂ ਬਣ ਗਿਆ ਹੈ ਅਤੇ ਇੰਜੈਕਸ਼ਨ ਨਾਲ ਨਸ਼ੀਲੇ ਪਦਾਰਥ ਲੈਣ ਕਾਰਨ ਇਸ ਦੀ ਪਛਾਣ ‘ਐੱਚ.ਆਈ.ਵੀ. ਦੇ ਲਿਹਾਜ ਨਾਲ ਸੰਵੇਨਦਨਸ਼ੀਲ ਖੇਤਰ’ ਵਜੇ ਕੀਤੀ ਗਈ ਹੈ।
