ਵਿਸ਼ਵ ਕੈਂਸਰ ਤੋਂ ਬਚਾਅ ਸੰਬੰਧੀ ਵੱਖ-ਵੱਖ ਸਕੂਲਾਂ ਵਿੱਚ ਲਗਾਏ ਜਾ ਰਹੇ ਹਨ ਜਾਗਰੂਕਤਾ ਕੈਂਪ ।
ਕੈਂਸਰ ਤੋਂ ਡਰਨ ਦੀ ਨਹੀਂ, ਬਲਕਿ ਮੁੱਢਲੀ ਸਟੇਜ ਤੇ ਜਾਂਚ ਅਤੇ ਇਲਾਜ ਕਰਵਾਉਣ ਦੀ ਲੋੜ।
ਬਿਮਾਰੀ ਪ੍ਰਤੀ ਜਾਗਰੂਕ ਹੋ ਕੇ ਇਸ ਤੋਂ ਬਚਿਆ ਜਾ ਸਕਦਾ ਹੈ : ਸਿਵਲ ਸਰਜਨ ਡਾ. ਰਮਿੰਦਰ ਕੌਰ
ਪਟਿਆਲਾ 9 ਫਰਵਰੀ (ਅਮਰੀਕਇੰਦਰ ਸਿੰਘ/ਮਧੂਸਾਰ ਬਿਊਰੋ) ਜਿਲ੍ਹਾ ਸਿਹਤ ਵਿਭਾਗ ਵੱਲੋਂ ਵਿਸ਼ਵ ਕੈਂਸਰ ਜਾਗਰੂਕਤਾ ਤਹਿਤ ਮਨਾਏ ਜਾ ਰਹੇ ਹਫਤੇ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਸਿਵਲ ਸਰਜਨ ਡਾ. ਰਮਿੰਦਰ ਕੌਰ ਨੇ ਦੱਸਿਆ ਕਿ ਕੈਂਸਰ ਸੰਬੰਧੀ ਜਾਗਰੂਕਤਾ ਫੈਲਾਉਣ ਦੇ ਮਕਸਦ ਤਹਿਤ ਕੈਸਰ ਦੀ ਰੋਕਥਾਮ,ਜਲਦੀ ਪਤਾ ਲਗਾਉਣ ਅਤੇ ਇਲਾਜ ਸੰਬੰਧੀ ਜਾਗਰੂਕ ਕਰਨ ਲਈ ਜਿਲੇ ਦੇ ਵੱਖ-ਵੱਖ ਸੀਨੀਅਰ ਸੈਕੰਡਰੀ ਸਕੂਲਾਂ ਵਿੱਚ ਜਾਗਰੂਕਤਾ ਕੈਂਪ ਲਗਾਏ ਜਾ ਰਹੇ ਹਨ।fੲਸੇ ਕੜੀ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਮਾਡਲ ਟਾਊਂਨ ਪਟਿਆਲਾ ਵਿਖੇ ਥੀਮ ” ਕਲੋਜ ਦੀ ਕੇਅਰ ਗੈਪ” ਤਹਿਤ ਵਿਸ਼ਵ ਕੈਂਸਰ ਦਿਵਸ ਮਨਾਉਣ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਸੀ.ਐਚ. ਸੀ. ਮਾਡਲ ਟਾਊਂਨ ਦੇ ਮੈਡੀਕਲ ਅਫਸਰ ਡਾ. ਕਿਰਨਜੀਤ ਕੌਰ ਦੀ ਨੇ ਸੰਬੋਧਨ ਕਰਦੇ ਕਿਹਾ ਕਿ ਦਿਵਸ ਮਨਾਉਣ ਦਾ ਮੁੱਖ ਮਕਸਦ ਲੋਕਾਂ ਵਿੱਚ ਕੈਂਸਰ ਦੇ ਪਾਏ ਜਾਂਦੇ ਡਰ ਨੂੰ ਦੂਰ ਕਰਨ ਲਈ ਕੈਂਸਰ ਦੇ ਲੱਛਣਾਂ ਬਾਰੇ ਜਾਣਕਾਰੀ ਦੇਣਾ ਹੈ ਤਾਂ ਜੋ ਮੁਢਲੀ ਸਟੇਜ ਤੇ ਹੀ ਇਸ ਬਿਮਾਰੀ ਦੀ ਜਾਂਚ ਕਰਵਾ ਕੇ ਇਲਾਜ ਸ਼ੂਰੂ ਕੀਤਾ ਜਾ ਸਕੇ ਅਤੇ ਬਿਮਾਰੀ ਨੂੰ ਗੰਭੀਰ ਰੂਪ ਧਾਰਨ ਕਰਨ ਤੋਂ ਰੋਕਿਆ ਜਾ ਸਕੇ। Tੁਹਨਾਂ ਕਿਹਾ ਕਿ ਮੁਢਲੀ ਸਟੇਜ ਤੇ ਹੀ ਇਲਾਜ ਸ਼ੁਰੂ ਹੋਣ ਨਾਲ ਜਿਥੇ ਇਲਾਜ ਸੁਖਾਲਾ ਹੋ ਜਾਂਦਾ ਹੈ,
ਉਥੇ ਸ਼ਰੀਰਿਕ ਅਤੇ ਆਰਥਿਕ ਨੁਕਸਾਨ ਤੋਂ ਵੀ ਬਚਿਆ ਜਾ ਸਕਦਾ ਹੈ।ਕੈਂਸਰ ਦੇ ਲੱਛਣਾਂ ਬਾਰੇ ਜਾਣਕਾਰੀ ਦਿੰਦੇ ਉਹਨਾਂ ਕਿਹਾ ਕਿ ਛਾਤੀ ਜਾਂ ਸ਼ਰੀਰ ਵਿਚ ਗਿੱਲਟੀਆ, ਮਾਂਹਵਾਰੀ ਦੌਰਾਨ ਬਹੁੱਤ ਜਿਆਦਾ ਖੂਨ ਪੈਣਾ, ਟੱਟੀ ਵਿਚ ਬਿਨ੍ਹਾਂ ਦਰਦ ਖੂਨ ਆਉਣਾ, ਪੁਰਾਣੇ ਜ਼ਖਮਾਂ ਵਿਚੋਂ ਖੂਨ ਵਗਣਾ, ਫੋੜਾ ਫਿਨਸੀ ਦਾ ਲੰਮੇ ਸਮੇਂ ਤੱਕ ਠੀਕ ਨਾ ਹੋਣਾ, ਭੋਜਨ ਨਿਗਲਣ ਵਿਚ ਥੋੜੇ ਸਮੇਂ ਤੋ ਰੁੱਕਾਵਟ ਹੋਣਾ, ਅੰਡਕੋਸ਼ ਵਿਚ ਸਖਤ ਗਟੋਲੀ, ਸਰੀਰ ਦੇ ਕਿਸੇ ਕੁੱਦਰਤੀ ਛੇਦ ਵਿਚ ਬਿਨ੍ਹਾ ਕਾਰਣ ਖੂਨ ਵਗਣਾ ਆਦਿ ਕੈਂਸਰ ਰੋਗ ਦੇ ਲੱਛਣ ਹਨ। fੲਸ ਲਈ ਇਹਨਾਂ ਨੂੰ ਨਜਰ ਅੰਦਾਜ ਨਾ ਕੀਤਾ ਜਾਵੇ। ਇਸ ਮੌਕੇ ਡੈਂਟਲ ਡਾ. ਆਰਤੀ ਵੱਲੋਂ ਓਰਲ ਕੈਂਸਰ ਸਬੰਧੀ ਜਾਣਕਾਰੀ ਦਿੱਤੀ ਗਈ ਅਤੇ ਤੰਬਾਕੁ ਪਦਾਰਥਾਂ, ਸ਼ਰਾਬ, ਨਸ਼ਿਆ, ਜਿਆਦਾ ਮਸਾਲੇਦਾਰ ਵਾਲੀਆ ਚੀਜਾਂ ਦੀ ਵਰਤੋ ਤੋਂ ਗੁਰੇਜ ਕਰਕੇ ਅਤੇ ਸੰਤੁਲਿਤ ਭੋਜਨ, ਰੋਜਾਨਾਂ ਦੀ ਕਸਰਤ ਨਾਲ ਇਸ ਬਿਮਾਰੀ ਤੋਂ ਕਾਫੀ ਹੱਦ ਤੱਕ ਬਚਿਆ ਜਾ ਸਕਦਾ ਹੈ। ਹੈਲਥ ਸੁਪਰਵਾਈਜਰ ਕੰਚਨ ਵੱਲੋਂ ਕੈਂਸਰ ਪੀੜਤ ਮਰੀਜਾਂ ਦੇ ਇਲਾਜ ਲਈ ਦਿੱਤੀਆਂ ਜਾ ਰਹੀਆਂ ਸਿਹਤ ਸਹੁਲਤਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪੰਜਾਬ ਸਰਕਾਰ ਵੱਲੋਂ ਚਲਾਈ ਜਾ ਰਹੀ ਮੁੱਖ ਮੰਤਰੀ ਕੈਂਸਰ ਰਾਹਤ ਯੋਜਨਾ ਤਹਿਤ ਕੈਂਸਰ ਦੇ ਮਰੀਜ਼ ਦਾ ਡੇਢ ਲੱਖ ਰੁਪਏ ਤੱਕ ਦੀ ਰਾਸ਼ੀ ਦੇ ਮੁਫਤ ਇਲਾਜ ਲਈ ਬਾਰੇ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਐਸ.ਟੀ.ਐਸ. ਪਰਮਜੀਤ ਕੌਰ , ਐਸ.ਟੀ.ਐਲ.ਐਸ. ਰਸ਼ਮੀ, ਫੈਕਲਟੀ ਮੈਂਬਰ ਮੀਨਾਕਸ਼ੀ , ਜ਼ਸਵਿੰਦਰ ਕੌਰ ਆਸ਼ਾ ਵਰਕਰ ਸੋਨੀਆ ਅਤੇ ਰਜਨੀ ਆਦਿ ਹਾਜ਼ਰ ਸਨ ।
