ਮੋਦੀ ਤੋਂ ਗੁਰਦੁਆਰਾ ਰਕਾਬਗੰਜ ਕਤਲੇਆਮ ‘ਚ ਕਮਲ ਨਾਥ ਦੀ ਭੂਮਿਕਾ ਦਾ ਮਾਮਲਾ ਵੀ ਖੁਲਵਾਉਣ ਬਾਦਲ : ਐਚਐਸ ਫੂਲਕਾ

ਦੋ ਮਹੀਨੇ ਦਾ ਸਮਾਂ ਦਿੰਦੇ ਹੋਏ ਬਾਦਲ ਪਰਿਵਾਰ ‘ਤੇ ਕਮਲ ਨਾਥ ਦੇ ਨਾਲ ਗਹਿਰੇ ਸਬੰਧਾਂ ਹੋਣ ਦਾ ਲਗਾਇਆ ਦੋਸ਼
ਕੈਪਟਨ ਕੁਰਸੀ ਦੀ ਲਾਲਸਾ ਕਾਰਣ ਦੇ ਰਿਹਾ ਹੈ ਕਮਲ ਨਾਥ ਅਤੇ ਟਾਇਟਲਰ ਨੂੰ ਕਲੀਨ ਚਿੱਟ
ਚੰਡੀਗੜ 15 ਜੂਨ (ਮਧੂਸਾਰ ਬਿਊਰੋ)
ਆਮ ਆਦਮੀ ਪਾਰਟੀ (ਆਪ) ਦੇ ਉੱਘੇ ਆਗੂ ਐਚ.ਐਸ ਫੂਲਕਾ ਨੇ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਨ•ਾਂ ਦੇ ਪਰਿਵਾਰ ਉੱਤੇ 1984 ਦੇ ਸਿੱਖ ਕਤਲੇਆਮ ਦੇ ਦੋਸ਼ੀ ਕਾਂਗਰਸੀ ਨੇਤਾ ਕਮਲ ਨਾਥ ਦੇ ਨਾਲ ਡੂੰਘੇ ਸਬੰਧਾਂ ਦੇ ਦੋਸ਼ ਲਗਾਏ ਹਨ।

ਫੂਲਕਾ ਨੇ ਚੁਣੌਤੀ ਦਿੱਤੀ ਹੈ ਕਿ ਜੇਕਰ ਬਾਦਲ ਪਰਿਵਾਰ ਅਸਲ ਵਿੱਚ ਸਿੱਖ ਕਤਲੇਆਮ ਦੇ ਦੋਸ਼ੀਆਂ ਨੂੰ ਸਜਾ ਦਿਵਾਉਣਾ ਚਾਹੁੰਦੇ ਹਨ ਤਾਂ ਗੁਰਦੁਆਰਾ ਰਕਾਬਗੰਜ ਸਾਹਿਬ ਉੱਤੇ ਹੋਏ ਹਮਲੇ ਦਾ ਮਾਮਲਾ ਵੀ 75 ਰੀ-ਓਪਨ ਕੀਤੇ ਜਾ ਰਹੇ ਮਾਮਲਿਆਂ ਦੇ ਨਾਲ ਖੁਲਵਾਉਣ। ਇਸਦੇ ਲਈ ਫੂਲਕਾ ਨੇ ਬਾਦਲ ਨੂੰ ਦੋ ਮਹੀਨੀਆਂ ਦਾ ਸਮਾਂ ਦਿੱਤਾ ਹੈ।
ਬੁੱਧਵਾਰ ਨੂੰ ਇੱਥੇ ਪ੍ਰੈਸ ਕਾਨਫਰੈਂਸ ਨੂੰ ਸੰਬੋਧਨ ਕਰਦੇ ਹੋਏ ਐਚ.ਐਸ ਫੂਲਕਾ ਨੇ ਪੰਜਾਬ ਕਾਂਗਰਸ ਮਾਮਲੀਆਂ ਦੇ ਨਵ ਨਿਯੁਕਤ ਇੰਚਾਰਜ ਕਮਲ ਨਾਥ ਦੇ ਮੁੱਦੇ ਉੱਤੇ ਬਾਦਲਾਂ ਦੇ ਨਾਲ-ਨਾਲ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਉੱਤੇ ਵੀ ਗੰਭੀਰ ਦੋਸ਼ ਲਗਾਏ ਅਤੇ ਕਿਹਾ ਕਿ ਕੈਪਟਨ ਕੁਰਸੀ ਦੀ ਮਜਬੂਰੀ ਵਿੱਚ ਸਿੱਖਾਂ ਦੇ ਕਤਲ ਦੇ ਦੋਸ਼ੀ ਕਾਂਗਰਸੀਆਂ ਨੂੰ ਕਲੀਨ ਚਿਟ ਵੰਡ ਰਿਹਾ ਹੈ। ਇਸ ਮੌਕੇ ਉਨ•ਾਂ ਦੇ ਨਾਲ ‘ਆਪ’ ਦੇ ਲੀਗਲ ਸੈਲ ਦੇ ਪ੍ਰਧਾਨ ਹਿੰਮਤ ਸਿੰਘ ਸ਼ੇਰਗਿਲ ਅਤੇ ਮਹਿਲਾ ਵਿੰਗ ਦੀ ਪ੍ਰਦੇਸ਼ ਪ੍ਰਧਾਨ ਪ੍ਰੋ. ਬਲਜਿੰਦਰ ਕੌਰ ਵੀ ਮੌਜੂਦ ਸਨ।
1984 ਦੇ ਸਿੱਖ ਕਤਲੇਆਮ ਦੇ ਪੀੜਿਤਾਂ ਨੂੰ ਇਨਸਾਫ ਅਤੇ ਦੋਸ਼ੀਆਂ ਨੂੰ ਸਜਾ ਦਿਵਾਉਣ ਲਈ ਪਿਛਲੇ 32 ਸਾਲ ਤੋਂ ਕਾਨੂੰਨੀ ਲੜਾਈ ਲੜ ਰਹੇ ਐਚ. ਐਸ. ਫੂਲਕਾ ਨੇ ਕਿਹਾ ਕਿ ਕੈਪਟਨ ਨੇ ਆਪਣੀ ਫਿਤਰਤ ਦੇ ਅਨੁਸਾਰ ਕੁਰਸੀ ਲਈ ਕਮਲ ਨਾਥ ਨੂੰ ਕਲੀਨ ਚਿੱਟ ਦਿੱਤੀ ਹੈ, ਕਿਉਂਕਿ ਹਾਲੇ ਤੱਕ ਕਾਂਗਰਸ ਨੇ ਉਨ•ਾਂ ਨੂੰ ਮੁੱਖ ਮੰਤਰੀ ਪਦ ਦਾ ਉਮੀਦਵਾਰ ਐੈਲਾਨ ਨਹੀਂ ਕੀਤਾ। ਕੈਪਟਨ ਅਮਰਿੰਦਰ ਸਿੰਘ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਅਤੇ ਮੁੱਖਮੰਤਰੀ ਪਦ ਦਾ ਉਮੀਦਵਾਰ ਬਨਣ ਲਈ ਪਹਿਲਾਂ ਵੀ ਜਗਦੀਸ਼ ਟਾਇਟਲਰ ਅਤੇ ਕਮਲ ਨਾਥ ਦੀ ਮਦਦ ਲੈਂਦਾ ਰਿਹਾ ਹੈ ਇਸਦੇ ਲਈ ਦੋਨਾਂ ਨੂੰ ਕਲੀਨ ਚਿੱਟ ਦੇਣਾ ਕੈਪਟਨ ਅਮਰਿੰਦਰ ਸਿੰਘ ਦੀ ਕੁਰਸੀ ਦੇ ਪ੍ਰਤੀ ਕਮਜੋਰੀ ਅਤੇ ਰਾਜਨੀਤਕ ਮਜਬੂਰੀ ਹੈ।
ਫੂਲਕਾ ਨੇ ਇੱਕ ਸਵਾਲ ਦੇ ਜਵਾਬ ਵਿੱਚ ਕਿਹਾ ਕਿ ਉਹ ਨਹੀਂ ਜਾਣਦੇ ਕਿ ਕਾਂਗਰਸ ਅਤੇ ਪ੍ਰਸ਼ਾਂਤ ਕਿਸ਼ੋਰ ਜਿਵੇਂ ਕਾਂਗਰਸੀ ਰਣਨੀਤੀ ਦੇ ਕਾਰਣ ਕਮਲ ਨਾਥ ਵਰਗੇ ਦਾਗੀ ਨੇਤਾ ਨੂੰ ਕਿਸ ਮਕਸਦ ਦੇ ਨਾਲ ਪੰਜਾਬ ਦਾ ਇੰਚਾਰਜ ਬਣਾਇਆ ਹੈ? ਪਰੰਤੂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਸ਼ੌਭਾ ਨਹੀਂ ਦਿੰਦਾ ਕਿ ਉਹ ਸਿੱਖ ਭਾਵਨਾਵਾਂ ਨਾਲ ਖਿਲਵਾੜ ਕਰਕੇ ਕੁਰਸੀ ਦੀ ਖਾਤਰ ਕਮਲ ਨਾਥ ਨੂੰ ਕਲੀਨ ਚਿੱਟ ਦੇਣ। ਫੂਲਕਾ ਨੇ ਕਿਹਾ, ‘ਅਸੀ ਸਿੱਖਾਂ ਦੇ ਕਾਤਲਾਂ ਨੂੰ ਸਜਾ ਦਿਵਾਉਣ ਲਈ ਕੁਰਸੀਆਂ ਛੱਡਦੇ ਰਹੇ ਹਾਂ ਅਤੇ ਕੈਪਟਨ ਅਮਰਿੰਦਰ ਸਿੰਘ ਕੁਰਸੀ ਲਈ ਕਾਤਲਾਂ ਨੂੰ ਕਲੀਨ ਚਿਟ ਵੰਡ ਰਿਹਾ ਹੈ ਅਤੇ ਝੂਠ ਬੋਲ ਰਿਹਾ ਹੈ ‘ ਫੂਲਕਾ ਨੇ ਕਿਹਾ , ‘ਕੈਪਟਨ ਅਮਰਿੰਦਰ ਕਹਿ ਰਹੇ ਹਨ ਕਿ ਕਮਲ ਨਾਥ ਦਾ ਨਾਮ ਪਹਿਲੀ ਵਾਰ 2010 ਵਿੱਚ ਸਾਹਮਣੇ ਆਇਆ ਹੈ, ਜਦੋਂ ਕਿ ਕਮਲਨਾਥ ਦਾ ਨਾਮ ਸਭ ਤੋਂ ਪਹਿਲਾਂ 2 ਨਬੰਵਰ 1984 ਦੇ ਇੰਡਿਅਨ ਐਕਸਪ੍ਰੈਸ ਵਿੱਚ, ਫਿਰ 3 ਨਵੰਬਰ 1984 ਨੂੰ ਇੱਕ ਹੋਰ ਅੰਗਰੇਜ਼ੀ ਦੇ ਅਖਬਾਰ ਵਿੱਚ ਅਤੇ ਫਿਰ ਸਿੱਖ ਕਤਲੇਆਮ ਉੱਤੇ ਪ੍ਰਕਾਸ਼ਿਤ ਹੋਈ ਹੂ ਇਜ ਦ ਗਿਲਟੀ (ਦੋਸ਼ੀ ਕੌਣ?) ਕਿਤਾਬ ਵਿੱਚ ਅਤੇ ਫਿਰ ਮਿਸ਼ਰਾ ਕਮਿਸ਼ਨ ਅਤੇ ਨਾਨਾਵਤੀ ਕਮਿਸ਼ਨ ਸਮੇਤ ਆਦਿ ਵਿੱਚ ਵਾਰ-ਵਾਰ ਆਇਆ। 1985 ਵਿੱਚ ਅੰਗਰੇਜ਼ੀ ਅਖਬਾਰ ਦੇ ਪੱਤਰਕਾਰ ਸੰਜੇ ਸੂਰੀ ਨੇ ਜੋਰ ਦੇ ਕਿਹਾ ਸੀ ਕਿ ਕਮਲ ਨਾਥ ਦੰਗਾ ਕਰਨ ਵਾਲੀ ਭੀੜ ਦੀ ਅਗਵਾਈ ਕਰ ਰਿਹਾ ਸੀ ਅਤੇ ਭੀੜ ਪੂਰੀ ਤਰ•ਾਂ ਕਮਲ ਨਾਥ ਦੇ ਕਾਬੂ ਵਿੱਚ ਰਹਿ ਕੇ ਉਸਦੇ ਦਿਸ਼ਾ-ਨਿਰਦੇਸ਼ਾਂ ਉੱਤੇ ਚੱਲ ਰਹੀ ਸੀ। ਇਸੇ ਤਰ•ਾਂ ਗੁਰਦੁਆਰਾ ਰਕਾਬਗੰਜ ਦੇ ਸਟਾਫ ਦੇ ਮੈਂਬਰ ਅਤੇ ਵਰਤਮਾਨ ਮੈਨੇਜਰ ਮੁਖਤਿਆਰ ਸਿੰਘ ਵੀ ਹਲਫਨਾਮਾ ਦੇ ਕੇ ਦੱਸ ਚੁੱਕੇ ਹਨ ਕਿ ਕਮਲ ਨਾਥ ਰਕਾਬਗੰਜ ਸਾਹਿਬ ਗੁਰਦੁਆਰਾ ਉੱਤੇ ਹਮਲਾ ਕਰਣ ਵਾਲੇ ਸਿੱਖਾਂ ਦੀ ਕਾਤਲ ਭੀੜ ਦੀ ਅਗਵਾਈ ਕਰ ਰਿਹਾ ਸੀ, ਪਰੰਤੂ ਮੌਕੇ ਉੱਤੇ ਹਾਜ਼ਰੀ ਪ੍ਰਮਾਣ ਅਤੇ ਹਲਫਨਾਮਾਂ ਦੇ ਬਾਵਜੂਦ ਕਮਲ ਨਾਥ ਉੱਤੇ ਕੇਸ ਦਰਜ ਨਹੀਂ ਹੋਇਆ। ਐਚ.ਐਸ. ਫੂਲਕਾ ਨੇ ਪ੍ਰਕਾਸ਼ ਸਿੰਘ ਬਾਦਲ ਉੱਤੇ ਵੀ ਕਮਲ ਨਾਥ ਦੀ ਮਦਦ ਕਰਣ ਦਾ ਇਲਜ਼ਾਮ ਲਗਾਇਆ। ਉਨ•ਾਂ ਨੇ ਇੱਕ ਫੋਟੋ ਵੀ ਮੀਡਿਆ ਨੂੰ ਜਾਰੀ ਕੀਤੀ ਜਿਸ ਵਿੱਚ ਮੁੱਖ ਮੰਤਰੀ ਬਾਦਲ ਹੱਸਦੇ ਹੋਏ ਕਮਲ ਨਾਥ ਨੂੰ ਫੁੱਲਾਂ ਦਾ ਗੁਲਦਸਤਾ ਭੇਂਟ ਕਰ ਰਹੇ ਹਨ। ਫੂਲਕਾ ਨੇ ਕਿਹਾ ਕਿ ਇਹ ਫੋਟੋ ਕਮਲ ਨਾਥ ਦੇ ਘਰ ਦੀ ਫੋਟੋ ਹੈ ਅਤੇ ਬਾਦਲ ਪਰਿਵਾਰ ਅਤੇ ਕਮਲ ਨਾਥ ਦੇ ਵਿੱਚ ਬੇਹੱਦ ਡੂੰਘੇ ਸੰਬੰਧ ਹਨ।
ਫੂਲਕਾ ਨੇ ਕਿਹਾ ਕਿ ਅੱਜ ਕੇਂਦਰ ਦੀ ਸਰਕਾਰ ਵਿੱਚ ਭਾਗੀਦਾਰ ਹੋਣ ਦੇ ਨਾਤੇ ਸ੍ਰੋਮਣੀ ਅਕਾਲੀ ਦਲ ਖਾਸ ਤੌਰ ‘ਤੇ ਪ੍ਰਕਾਸ਼ ਸਿੰਘ ਬਾਦਲ ਦੇ ਕੋਲ ਮੌਕਾ ਹੈ ਕਿ ਉਹ ਗੁਰਦੁਆਰਾ ਰਕਾਬਗੰਜ ਨੂੰ ਸਾੜਨ ਅਤੇ ਉੱਥੇ ਸਿੱਖ ਪਿਤਾ-ਪੁੱਤਰ ਨੂੰ ਜਿੰਦਾ ਸਾੜਨ ਵਾਲੇ ਮਾਮਲੇ ਨੂੰ ਦੁਬਾਰਾ ਖੋਲਿਆ ਜਾਵੇ, ਕਿਉਂਕਿ ਉੱਥੇ ਕਮਲ ਨਾਥ ਦੀ ਹਾਜ਼ਰੀ ਅਤੇ ਉਸ ਦੁਆਰਾ ਹਮਲਾਵਰ ਭੀੜ ਨੂੰ ਉਕਸਾਉਣ ਸਬੰਧੀ ਇੱਕ ਤੋਂ ਜਿਆਦਾ ਸਬੂਤ ਹਨ। ਭਾਰਤੀ ਦੰਡ ਸਾਹਿਤਾ 149 ਦੇ ਤਹਿਤ ਕਮਲ ਨਾਥ ਪ੍ਰਤੱਖ ਤੌਰ ਉੱਤੇ ਦੋਸ਼ੀ ਬਣਦਾ ਹੈ। ਇਸ ਲਈ ਬਾਦਲਾਂ ਅਤੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਆਪਣੇ ਨਿਜੀ ਦੋਸਤਾਨੇ ਅਤੇ ਸਿਆਸੀ ਲਾਭ ਨੂੰ ਤਿਆਗ ਕੇ ਪੀੜਿਤ ਸਿੱਖਾਂ ਨੂੰ ਇਨਸਾਫ ਅਤੇ ਦੋਸ਼ੀਆਂ ਨੂੰ ਸਜਾ ਦਿਵਾਉਣ ਵਿੱਚ ਮਦਦ ਕਰਨੀ ਚਾਹੀਦੀ ਹੈ। ਜੇਕਰ ਅਗਲੇ ਦੋ ਮਹੀਨੀਆਂ ਵਿੱਚ ਬਾਦਲ ਅਜਿਹਾ ਨਹੀਂ ਕਰਦੇ ਤਾਂ ਬਾਦਲ ਪਰਿਵਾਰ ਅਤੇ ਕਮਲਨਾਥ ਦੇ ਡੂੰਘੇ ਸਬੰਧਾਂ ਦੀ ਪੁਸ਼ਟੀ ਹੋ ਜਾਵੇਗੀ।
ਫੂਲਕਾ ਨੇ ਇਹ ਵੀ ਕਿਹਾ ਕਿ 1984 ਵਿੱਚ ਸਿੱਖਾਂ ਦੇ ਕਤਲੇਆਮ ਹਿੰਦੂ-ਸਿੱਖ ਦੰਗੇ ਨਹੀਂ ਸੀ। ਉਨ•ਾਂ ਨੇ ਕਿਹਾ, ‘ਕੁਝ ਰਾਜਨੀਤੀ ਦਲ ਅਤੇ ਲੋਕ ਆਪਣੀ ਸਿਆਸੀ ਰੋਟਿਆ ਸੇਕਣ ਲਈ 1984 ਦੇ ਸਿੱਖ ਕਤਲੇਆਮ ਨੂੰ ਹਿੰਦੂ-ਸਿੱਖ ਦੰਗਿਆਂ ਦਾ ਨਾਮ ਦੇ ਕੇ ਸੰਪ੍ਰਦਾਇਕ ਰੰਗ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਪਰੰਤੂ ਇਹ ਪੂਰੀ ਤਰ•ਾਂ ਕਾਂਗਰਸ ਦੇ ਸਮਰਥਕਾਂ ਵਲੋਂ ਸਿੱਖਾਂ ਦੀ ਸੋਚੀ- ਸਮਝਿਆ ਕਤਲੇਆਮ ਸੀ, ਜਿਸ ਵਿੱਚ ਕੁੱਝ ਇਲਾਕੀਆਂ ਵਿੱਚ ਮੁਸਲਮਾਨ ਵੀ ਸ਼ਾਮਲ ਸਨ। ਪਰੰਤੂ ਦਰਜਨਾਂ ਅਜਿਹੀ ਵੀ ਮਿਸਾਲਾਂ ਹਨ ਜਿੱਥੇ ਹਿੰਦੂਆਂ ਨੇ ਸਿੱਖਾਂ ਦੀਆਂ ਜਾਨਾਂ ਬਚਾਈਆਂ ਅਤੇ ਕਈ ਥਾਂ ‘ਤੇ ਹਿੰਦੂ ਆਪਣੇ ਸਿੱਖ ਭਰਾਵਾਂ ਲਈ ਖੁਦ ਵੀ ਹਮਲਾਵਰਾਂ ਦਾ ਸ਼ਿਕਾਰ ਹੋਏ ‘ਫੂਲਕਾ ਨੇ ਕਿਹਾ ਕਿ ਦੇਸ਼ ਦਾ ਹਰ ਅਮਨ ਪਸੰਦ ਸ਼ਖਸ 1984 ਦੇ ਪੀੜਿਤਾਂ ਨੂੰ ਇਨਸਾਫ ਅਤੇ ਦੋਸ਼ੀਆਂ ਨੂੰ ਸਜਾ ਦਿਵਾਉਣਾ ਚਾਹੁੰਦਾ ਹੈ।